Gael warning

A hae gien ma ain thochts on Gaelic monie times e.g Gaelic and Scots – why are they treated differently?, but braid-like A’m aw fur the tung. Like monie fowk A’m fair disapyntit syne by the Wings postin ablow, A doot the guid Rev fell on his erse there.

A guid response ablow. The Gaelic “lobby” is apen tae aw sorts of creeticism ower its effectiveness, priorities an – ma ain thriep – lack o acknowledgement o Scots. But as the blog seys dismissin Gaelic ootricht Daily-Mail style on groons o “usefulness” or “cultural relevance” is pure keech.

We bide in a monie-lingual kintra. Gaels ignorin Scots (an special-like whan they’re blunderin aboot p*ssin fowk aff in tradeetional-like Scots speaking airts) is nae better nor Monos ignorin Gaels. Waur mibbies, they shud ken better. A’m no wey an agin the Gaelic, A’m agin no warkin thegither.

Scroll to Top